Ume eta gaztetxoen artean irakurketarekiko zaletasuna bultzatzea du helburu Haur Literatura Aretoak. Adin bakoitzera moldatuz, formatu ezberdinetako ekintzak martxan jartzen ditugu: ipuin antzeztuak, ipuin kontaketak, antzerkiak, idazleekin elkarrizketak, erakusketa girotuak eta liburu erraldoiak, besteak beste. Honen guztiaren osagarri, urteko lan berriak eta aurreko urteko lan gomendagarriak biltzen dituen irakurgida bat argitaratzen dugu; liburuak hautatzerako orduan irakasle, ikasle zein gurasoentzat tresna erabilgarria izaten dena.
Ipuin antzeztuak
Karrika antzerki taldeak prestatutako antzezlana eta ipuin kontaketaren arteko ikuskizuna, Haur Hezkuntzakoei zuzendutakoa.
Ipuin kontalariak
Maite Franko ipuin kontalariarekin elkarlanean, LH 1.zikloko ikasleei zuzendutako ipuin kontaketa eta eztabaida saioa.
Antzerkia
Karrika antzerki taldeak prestatutako antzezlana, Lehen Hezkuntzako 1. eta 2. ziklokoei zuzendutakoa.
Idazleekin elkarrizketak
Ikastetxe bakoitzak aukeratutako liburuaren
egilearekin solasaldia, LH 2. eta 3.ziklokoei zuzendutakoa.
Erakusketa girotuak
Erakusketa girotuetan 2014ko argitalpenak eta 2013ko liburu gomendagarriak dituzte ikusgai ikasleek, adin tarte bakoitzerako moldatutako ekintzen bitartez.
Liburu erraldoiak
Ikastetxe guztietatik pasatzen diren liburu erraldoietan, LH 2. eta 3.zikloko ikasgela bakoitzak orrialde bat beteko du, urtero aukeratzen den gaiari lotuta.
